回憶(?)

有好多同大家一齊既回憶係呢個blog, 有好有無咁好既事, 但咩都唔緊要, 都係同大家一齊經歷, 一齊成長既回憶. 所以我真係好鍾意呢個blog, 成日無野做都會翻睇, 睇到會心微笑, 知道自己曾經鐘意過某d人(友情個隻), 嬲過某d人, 但到鍾意完又嬲, 嬲完又鐘意返, 而家大家都係好朋友, 真係好令人開心呀!!^^

五年係一個人既生命上面或者唔算長, 但呢五年係我(唔係,係我地)既起點, 係我地友誼既起點. 我知道我地會係一世既朋友. =) 只要大家都係咁諗就實得架!

但有d野可能只會係一刻, 例如愛情, 或者之後會變做友情, 得既當然好, 但多數係疏淡後變陌生? 經驗尚淺~

講真, 我其實唔太相信一生一世架喇, 好似劉美君唔知邊首歌詞講: "以後未來是個謎, 不必牽強說盟誓..", 我覺得講得超岩, 但都要繼續慢慢去參透. 但....又可能係我未遇到姐~

但無論如何, 我覺得呢d都係一d好好既回憶, 令自己成長. so.....就算愛情消失左, 我都覺得唔需要刻意去忘記~

其實....我想講既係, 呢一年裡面, 我對XX王子都有唔少回憶, 雖然唔係同佢既共同回憶, 但鐘意佢, 我都覺得好開心(因為我淨係鍾意d高質素既~ 呵呵XD).

或者將呢d回憶留係呢度可以防止我忘記(雖然有d可能已經忘記左XD)
um...一開始覺得自己對佢有d野應該係f.4暑假知道佢會考屈機後, 覺得佢好勁. 當然~成績唔會係唯一因素, 如果唔係我咪好唔得閒? 最重要我覺得係氣質同內涵, 佢兩樣都吸引到我~^^ 加埋佢既笑容同聲線, 仲有佢對人好nice既態度, 好感倍增~!
之後成日係library見到佢, 個人都會變到好緊張同想"哩"埋, 我就知自己中左招~XD
有時見到佢say聲hi會發現自己連聲都震埋..." 但見到佢之後又會好開心, 個人會好sweet, 精神晒咁. 真係有d魔力架~XD
通常係呢d時候大家之間又會好似有d緣份咁, 成日撞到(其實可能係心理作用, 即係根本就成日撞到, 只係未鍾意佢既時候就唔覺眼, 鍾意左就以為呢d叫緣份).
記得有一次lunch係三樓當值, 派完飯後有個識得既prefect唔要個甜品請我食, 你地都知我鍾意食野, 就即刻開左黎食, 點知一出門口就見到佢.....個陣好驚佢以為我打劫d低form既野食XDD.
又有一次係f.5陸運會個個星期,好似星期一or二(因sports day係星期四,五),個個月我唔知做咩入唔到學費要去office交, d人又唔得閒, 要我係度等, 點知等等下佢走入黎幫佢個班交班際接力既form. 佢問我做咩, 就係咁又傾左幾句, 令我都幾多謝個d人要我等左一陣~~XD
sports day既時候我要跑4x4, 換左pe衫等緊既時候要搵社長同副社, 見到佢. 極想閃, 但又想俾佢見到, 想佢覺得我瘦(雖然我知呢個唔係事實XD), 但又怕佢覺得我肥(事實orz)....總之每次見到佢都有呢種好矛盾既感覺.
到last day前既星期一(last day係星期三), 我鼓起勇氣俾紀念冊佢, 但等左好耐都唔見佢係課室, 跟住同敏姐(heehee...佢陪我^^)去office條走廊行下睇下野, 當我係展覽品個箱度照下自己個樣整唔整齊既時間, 見到佢係後面經過 囧' 最後終於鼓起勇氣俾左佢, 又見到佢殺死我既迷人笑容, 差d暈低(just kidding~)
但佢又唔俾返我- -,要我last day個日去搵佢拎返=3=. 但睇佢張紀念冊, 有一句令我好開心,好sweet, 但.......佢係最後加左個"XD"符號, 令到我係度諗其實佢係咪講下笑...orz 因為我太多胡思亂想, 控制唔到orz
仲有, 其實我成日諗, 我可能只係佢眾多仰慕者中既其中之一, 佢可能都習慣, 所以佢從來唔會主動搵我. 有時又諗可能佢係想呢兩年專注學業姐~事實上呢兩年真係好重要嘛~ 又諗可能佢真係唔鍾意我..T^T, 得閒應酬下我已經算好好人....orz

and.....而家都無機lu~ 但呢一年都係一個好好既回憶!=) 我會唔會就咁就放低呢段感情呢?(單方面既)
但又好怕會好似容祖兒首"刻不容緩"咁: "怕在離場後接到遲來情信　其時和旁人在抱擁...".
um......都係隨遇而安啦~

就走喇T^T

又無打兩個月orz...

發生左好多野呀! 呢幾個月個人真係成長左好多.
原來學校同屋企都係溫室, 一日唔走出去, 一日唔會明白呢個現實既社會.

um....好感動呀! (與上面無關 囧) 6月幾阿爸個老闆生日, 阿爸帶阿哥同我去JC個clubhouse去食buffet, 搭緊車上山既時候佢問我既電話係幾多, 個陣我見到佢手機個background係我同佢既合照.
我個陣無俾咩特別既反應, 但feel到佢係愛我架~!心裡面好開心!!^^ (好肉麻orz)
但又有d唔知點既感覺. 其實佢係愛我, 鍚我架, 但唔會開口; 我都好愛佢, 但都唔會開口. 係中國人既含蓄內斂既"美德"? 可能係大家都唔習慣講出黎啦.
跟住....我先敢同佢講我要去美國一年. 原本一直唔敢講係怕佢會反對, 但佢比我想像中平靜, 話:"你諗清楚就得啦, 都幾好丫" 佢係我面前總係好平靜.
但幾日後二伯就約左我地出黎飲茶, 佢話阿爸前一夜打俾佢傾我去usa既事, 佢怕我俾人呃, 又怕我唔適應, 總之傾左好耐. 咁代表咩呀?代表佢好緊張我.
我真係好感動! 我feel到架!
好想去攬住爸爸. 但唔敢呀...唔知佢想唔想攬住我呢?

可能細細個父母就分開左, 所以係佢地面前都唔敢對另外一個好, 怕另外一個會唔開心.
加上細個個陣覺得阿爸好惡, 之後又跟左媽咪住, 久而久之, 同阿爸好似有d隔膜.
但到呢幾年, 人大左, 開始知道咩係親情, 開始識得掛住阿爸阿哥, 但隔膜係依然有既. 有好多次, 當我同阿爸都沉默既時候, 我個心裡面其實有好多野想同佢講.

唉, 都係一句啦, 佢永遠都係我最敬愛既父親!!!!!!!!!!!!!

跟住到二伯, 無聯絡幾年,早兩年佢開始搵阿哥搵返我, 新年飲下茶聚下咁. 當佢知道我去usa之後即刻又約出黎飲茶傾計.
原本跟左媽咪之後幾乎同佢地無咩來往, 但呢年開始係佢地度feel到咩係家庭溫暖.
記得細個既時候可能因為我同阿哥最細, 每次去家庭聚會都算係焦點, 成日俾人圍. 之後同媽咪住, 屋企既規模細左, 都開心既, 不過有多d人關心都幾好, 但壓力都會大少少, 就係讀書唔可以太差, 唔想辜負佢地既期望. 但....呢次ce.....orz



我一直都相信感情係要大家一齊去維繫架! 無論親情, 友情同愛情. (關咩事?)

um.......其實我想講既係.......阿哥話聽日約左十幾人一齊飲茶, 係因為我去usa..囧
我都唔知有邊十幾人(有咁多人架咩?@@)
講真, 好耐無見'.....................我有d緊張 -_______-'

電波少女..>口<'

呢排搵到份上門問卷調查員,計埋今日做左兩日半,累到嘔!!!!!!!!..orz

我間公司係受康文署委託,做一個有關香港市民參與體能活動模式既調查.
於是我就係其中一隻馬仔被派去全港18區既其中一區上門做問卷,負責7-19歲既人.

而非常"幸運"地,我被派左去深水"土步"個頭.....orz
前晚(3/6)我第一日開工,拎住一疊問卷同地址簿,一出長沙灣地鐵站,真係企左係到.雖然早一晚有上網check下點行,但理論同實踐係兩回事,加上又落雨又夜(7點幾),成隻盲頭"胡"蠅咁.

第一份問卷係上去一座唐樓,真係無樓梯燈,都有d驚,一路行一路諗如果有事應該點閃.最後同個細路做完就閃.好彩第二份正常好多,上私人樓,起碼有看更.呢份就好順利,做完呢份先有返少少信心(起初仲驚全部都係唐樓囧)
然後閃返屋企

琴日(4/6)係最worst既一日(暫時黎講),去左廿幾個地址,由朝十一行去到晚十,都係完成得兩份.其他一係無人係屋企,一係唔岩要求無得做(即係無7-19歲既人住係度),個頭好多獨居老人囉-___-
問題係要完成一份先計一份既錢,唔係日/月薪.
搞到極灰,又熱又累又臭(個身)
我原本都諗住下晝趕返學,所以拎埋袋校服去,但2點要返cwb開briefing,最後都係趕唔到返學'
成日都拎住一袋二袋又重真係極辛苦,絕對有諗過唔做!
但其實佢一早講過會好辛苦,只係我無諗過真係辛苦成咁.
加上公司都要同政府交代,係死左既線(簡稱死線→dead line)之前交數,唔想做中離狗,所以都要頂硬上....
但我發誓以後都唔會再做呢d類似既工!

今日都好d,因為琴日頂唔順去左個度既圖書館copy個頭既map,跟住今日出發前study左張map先行.發現之前行左好多冤枉路,今日叫做醒左,都做到4,5份.不過都第一次俾人拒訪...最後個份個媽媽仲請我飲0t,勁感動.

其實呢份工有好有唔好(廢話??)
好既係可以自己去摸路,經歷同體驗下第二d野,同埋訓練危機感(呢幾日都係過左10點先係長沙灣走)仲有令到我更加珍惜自己屋企,而家我覺得可以閒著係屋企真係好幸福~~
唔好既係要令屋企人擔心,但真係唔想做中離狗嘛.....

講真我真係非常後悔做左呢份工,因為真係超辛苦!
不過既然唔選擇放棄唯有做好佢,希望可以好頭好尾啦~
大概做到21-22/6就完,之後就老虎蟹都唔會再做!!




其實唔知你地仲記唔記得小學既時候有兩個電波少年,我而家既感覺都有d似.....

CE完左,但而家竟然仲慌張迷茫- -

CE呀!過左喇!好野~歡呼~

但原來搵工先最難過= =

考完ce兩個幾星期喇, 離開左學校原來都有兩個幾月. 真係好掛住學校生活, 而家先發現原來學校先係最好! 有保護, 大家又幾純咁(相比出黎社會).
呢幾個月好似過得好漫長, 發生左好多事, 自己都唔同左好多, 我覺得心態上好似大個左好多(事實上係老左好多- -), 現實左好多, 有好有唔好啦.

last day個日夜晚我地係學校bbq完之後去左寶康, 之後有d C,D,E班既人都黎左, 大家各自玩.我地班玩killer. 見到有d人飲醉左酒, 我係第一次親眼見到人地飲醉酒, 仲要係識既人(同form), 感覺好特別. 我唔係驚佢地, 而係比較好奇, 所以當佢走過黎我地度個陣我真係唔客氣咁目不轉睛咁望住佢. 不過我覺得最好既係一直跟係佢地後面既朋友. 當佢走近我地既時候, 後面d人就會大聲喝佢走, 又會拉走佢, 我知其實係想保護佢, 唔俾佢闖禍, 呢d先係真朋友, 我覺得佢地真係好好!
又見到有人食煙, 聽講係個種好耐先一兩支個d. 我唔覺得食煙既一定係壞人, 不過都好極有限?'
一晚見到晒d咁既事, 個陣都幾震撼. 即時諗起之前寫紀念冊有人寫覺得我諗野好簡單, 好開心, 樂觀. 我個陣唔覺(雖然到而家都係), 但個晚我真係發現原來有好多野我都係未見過, 可能真係有d簡單. 不過我諗野唔會好樂觀囉....所以要對自己重新評估-______-.

last day之後個星期三, 偷偷地同d小學同學去左銀線灣bbq. 呢班係當時唔太熟既, 其實差唔多一半係唔識不過淨係認得個樣.' 又有人食煙,但經過last day都叫做適應左, 起碼唔會有一種驚訝. 大家都變左好多, 但俾人話我個樣無變=_=, 死啦...我唔制-__-, 已經唔係第一次聽到呢咁既野.
開始意識到咩叫唔同世界既人.

ce前既假期成日去自修室溫書, 但總有時候係唔知做乜突然唔想溫架嘛~ 個陣就會諗下someone~~有時一諗就成個鐘. 有次同yetta傾開計, 佢話someone係我既王子, 俾佢一言驚醒夢中人, 諗落someone真係同王子一模一樣, 內外都係, 所以自此我就開始叫佢做XX王子(當然係私低下啦~^^).
又問佢借左收音機~~ ^^v Yeah~! 個日係佢課室門口等佢, 等左好耐都未見到佢, 點知我一拎轉頭望第二邊就見到佢行緊入課室(緣份啊~@@), 佢又見到我, 跟住我見到佢係由原本木無表情到對我笑同埋叫我等等.個下勁sweet, 俾佢電死喇~XD
係我鍾意既人面對我係好卑微既. 唔知點解會講唔到野, 又唔太敢望佢. 但好似係林志潘姑呢d面前唔會架嘛XDD, 我仲可以好狠咁鬧佢地同蝦佢地添~XDD(不過我唔會既~~brother黎架嘛~~)
係XX王子面前, 我會唔想係佢面前, 只想隔住少少距離咁觀察佢, 聽佢講野, 唔想俾佢見到. 因為我係呢方面對自己無咩自信, 覺得同鍾意既人唔相襯, 可能我鍾意得既都幾高level啦XD.我覺得我多數都係由仰慕一個人開始~~不過係其他方面就幾有自信, 成日覺得自己係得既, 所以想參加多d活動(又諗起鍾太話我野心大- -').

考試時無約人一齊去, 不過總會撞到d識既人. 講真成個ce都無咩緊張, 除左eng writing, 作作下淆底, 表現呢......算啦, 唔諗d衰野.
可能真係俾余培講中因為下年唔洗係度讀所以唔緊張...' 雖然我一直都覺得唔係度讀先要考好d...

丫!有樣野真係要好多謝林志, 就係科pa.話說考pa前個四日突然間無晒心機, 唔知係對自己pa既信心崩潰, 定係ce情緒病終於出現, 總之就係溫極都唔入腦. 唯有打俾人傾下, 但係得佢一個鼓勵我, 佢講左好多野令我重拾返少少鬥志, 令我覺得pa無我想像中咁難, 令我本來有d想hea左個test佢,但後來改變主意. 可惜個陣我得返一日溫書-_-.不過份卷都ok咁, 總之如果我pa有D或以上就請佢食飯啦~!>v<'(不過我唔記得呢d野架, 自己提我呀)

一考完pa就同3f考完既人上丘屋企玩. 其實都係聚下姐~

之後開始努力搵工, 其實都係兩個星期前既事咋嘛, 但感覺好似好耐, 可能因為係學校會個個星期都差唔多, 所以好易諗返之前做過d咩.
搵工都令我變得現實, 由原本好雄心壯志, 以為自己好快就會搵到, 不斷sd email, 打電話, 見工, 到開始頹, 開始想放棄, 再安慰自己其實都唔係搵左好耐姐, 唔好咁快放棄........orz 其實真係有d累, 不斷打擊自信.真係一考完就開始搵, 到見到其他人都因為識人而搵到好多補習. 羨慕呀,但可以點呢?人地幫唔到你都無計.靠自己囉~ 一開始都係咁諗架啦, 只係一下子以為自己都可以咁好彩姐, 都係面對返現實啦. 突然諗起以前睇電視劇d人話咩發誓唔要再求人, 細個仲覺得好誇張, 但而家起碼感受到個種滋味係真係唔好受得去邊囉.

所以計劃都有變, 原本諗住搵到工, 安正左落黎先諗去玩, 但而家都係邊搵邊做邊玩算喇.

考a maths個日又同另一批小學同學返小學探老師, 好耐無見, 但傾傾下感覺就返黎 =] ,有d係一見到面就覺得好開心, 跟住就忍唔住講句"好耐無見喇~!". 呢句唔係對個個都講得出, 係要你好想見個個人or對佢感覺良好先可以好自然咁由心底裡講出黎. 個種感覺好正.跟住大家就講下近怳. 原來舊同學聚會真係唔錯, 大家一齊想當年or傾其他野既時候可以暫時放低一d煩惱既野.
而且我覺得呢d聚會令我搵返以前既自己. 見返以前既人, 搵返空白左既記憶.
我發現小學既事好多都唔記得左...T^T
我而家既記憶大概由f. 1開始(可能個陣我既腦"筍"先岩岩生埋XD).
之後都繼續有同佢地聯絡, 同唐x婷(唔響全朵~XD)周圍去搵工+行街+傾計, 佢係其中一個我畢左業先同佢熟既人, 畢業後先發現我地既性格係何奇的match~~~*v* 同佢傾計好開心, 大家有好多共同話題.
又同李x霖msn, 第一晚chat到3點9, 實在俾面佢呢, 第二日昏死左係床上差d起唔到身-_-'.又sms, 多得佢, 我而家都叫打到下手機既中文(因為練得多), 結果係電話費多左$3x..........囧 所以都係唔sd, 阿媽會斬我.
仲有勁多謝佢幫我搵到第一份暑期工, 就係上星期六去會展派postcard, $200/4hr, 個價都筍啦~佢仲要派得鬼咁快, 最後幫埋我派, 我先有得早走~~ ^^v
但第一份工都係要靠人orz...........

上星期夜晚同敏姐跑步(其實係傾計多), 個agent打黎, 我sd左咁多封補習, 終於有一封有回音...........感動T^T. 所以終於有份補習仔做下, 不過只係去到4/6.好過無啦~
但又因為呢份補習, 搞到之後有份receptionist既second in, 因為我唔可以即時返工(因下晝要補習), 所以唔請.....T^T

不過我又搵到份上門問卷調查員, 真係x死x還在~(x多數係個"仔"字,but呢度唔係啦當然~), 所以話, 真係唔好放棄囉. 呢份既人工其實唔係話好高, 又ok辛苦, 不過勝在係幫政府做既, 算係大project嘛, 拎下經驗, 當見下大場面都好~

但我真係極需要錢, 所以一定要繼續努力搵呀!!!!.\_________/.

點解打咁耐都未打完架.....囧rz

遲d再續.

會考是洪水猛獸!

只剩餘數天...T^T
God bless me please!